1 Мамыр – бейбітшілік пен тұрақтылық мерекесі! (фото)

Бөлісу:

Бүгін – Қазақстан халқының бірлігі күні.

Ел тұрғындары Қазақстан халқының бірлігі күнін атап өтуде (фото) 

Мереке – Қазақстан президенті Нұрсұлтан Назарбаевтың Жарлығына сәйкес 1996 жылдан бастап атап өтіледі. 100-ден астам ұлт өкілдері тұратын Қазақстан үшін бұл мереке дәстүрлі мейрамдардың біріне айналды. 1 Мамыр мейрамы елімізде ұлттар мен ұлыстардың достығы мен татулығының, азаматтық келісімнің, еліміздегі 130-ға тарта халықтардың ауызбірлігінің жарқын көрінісіне айналды.

Ел тұрғындары Қазақстан халқының бірлігі күнін атап өтуде (фото)

Қазақстан халқының бірлігі мерекесін жаңа тұрпатта тойлау қажеттігін, оны еліміздің басты мерекесіне айналдыру идеясын мемлекет басшысы Нұрсұлтан Назарбаев көтерген болатын.

Ел тұрғындары Қазақстан халқының бірлігі күнін атап өтуде (фото)

«Көктемгі 1 Мамыр мерекесі біздің елдегі этностарды бұрынғыдан да жақындастыра түсуі тиіс. Бұл біздің туған Қазақстанымыздағы 20 жылда құрған негізгі мерекеміз болады. Бірінші мамыр – бірліктің ерекше мерекесі. Сондықтан да, мамырда тұтас ай бойы жақын­дасудың барлық жаңа жолдарын байқап көру керек. Ал тұрақтылық болмаған жерде даму да болмайтынына қазіргі жер жаһанда орын алып жатқан мысалдар жеткілікті. Сондықтан да, бірлікті ту еткен еліміз Қазақстан халқының бірлігі күнін басты мерекелердің біріне айналдыруды қолдап келеді. Жұмыс істеу қажет. Егер барлық облыстарда тереңінен ой­ластырса, өте қызықты шаралар жүзеге асатын болады әрі мұның елге пайдасы да зор», ‑ деген еді елбасы.

Ел тұрғындары Қазақстан халқының бірлігі күнін атап өтуде (фото)

Көптеген ұлттардың ортақ шаңырағына айналған Қазақстан бейбітшілік пен келісім арқылы әлемге үлгілік жолды нұсқап келеді. Әйтсе де, ұлтаралық келісім мен дінаралық татулықтың алтын бесігін тербету аяқ астынан туындаған немесе қазақ даласында өздігінен пайда болған дүние еместігі бесенеден белгілі. Ел иесі, жер иесі саналатын қазақ халқы алмағайып замандарда шартараптан бас сауғалаған, тағдыр тәлкегімен босып келген басқа жұртты бауырына басты.

Ел тұрғындары Қазақстан халқының бірлігі күнін атап өтуде (фото)

Өзінің тоз-тозы шыққанына қарамастан, басқаның қайғысына да ортақтығын танытты. Кеңестік жүйе қыспағымен қазақ даласын паналаған бөтен жұрт осында мәңгілік тұрақтап қалды. Тәуелсіздік тұсында да қырықжамаудай болған ұлттық құрамдағы осы ерекшелікті негізге алғандар «жаңадан пайда болуы ықтимал үлкен қақтығыстар алаңы» ретінде қазақ даласын меңзеген еді. Алайда, қазақ халқының даналығы, кеңдігі мен сыйластығы этностық тегіне, әлеуметтік, діни және де шығу тегіне қарамай, жаңа мемлекеттің барша азаматының ұйысуына себепші болды.

Дерек көзі: ҚазАқпарат
Бөлісу:

Facebook арқылы жазылған пікірлер

Сайтта 2 пікір жазылған

  1. мазақстан тұрғыны 1 Мамыр, 2016 12:36 Жауап

    ондай ұлт тұрмайды шіріктер бір адам ұлт болып есептелмейді.

  2. Есенғали, Антакиядан 1 Мамыр, 2016 16:50 Жауап

    1 Мамыр – «ассамблея» деген паразит мекемедегі 2 кәріс, 1,5 якут, 1 ненец пен 0,5 нганасанның туған күндері ;
    9 Мамыр – «дидываивали» празнигі. ІІ-Дүниежүзілік соғысқа «Великая» деген атау беріп, атасының соғысқанын 71 жылдан бері саудаға салып келе жатқан есалаң, шовинист орыс ватнигінің «ҰЛЫ» мерекесі ;
    19 Мамыр – пионер ұйымының құрылған күні (партияның ұлы, комсомолдың інісі). Биліктегі кешегі қызылкөз коммунистер мен комсомолдардың «Ұлы» мерекесі.
    :kulki:

Пікір немесе жауап жазу