ЭКСПО-ның экс-басшысының қылмыстық ісі 500 томнан асады

Талғат Ермегияев сот алдына келді, - деп хабарлайды Tengrinews.kz тілшісі сот залынан. Қылмыстық істер жөніндегі мамандандырылған ауданаралық сотында "Астана ЭКСПО - 2017" ұлттық компаниясының бұрынғы төрағасына қатысты сот басталды.

Бүгін алдын ала сот тыңдауы өтіп жатыр, мұнда судья процесске қатысушылармен танысып жатыр, талаптарды нақтылап, жағдай жайлы пікір қалыптастырып, сонымен қатар іс бойынша басты сот тыңдауының мерзімін белгілейді. Істі Қылмыстық істер жөніндегі ауданаралық мамандандырылған соттың төрағасы Әділхан Шайхисламов қарайды.

Талғат Ермегияев сотқа арнайы бөлімшелердің қызметкерлерінің жетекшілігімен келді. Сот залында ол отырысқа келген таныстарымен амандасып, істің басқа фигуранттары отырған орынға келіп отырды. Олардың ішінде Қажымұрат Үсенов - "Астана ЭКСПО - 2017" ұлттық компаниясының құрылыс департаментінің бұрынғы жетекшісі бар. Айта кетейік, столда үйқамақтағы сотталушылар отыр. Сотталушы орнында - жеті адам, оларды сотқа қарауылдың жетекшілігімен алып кірді. Сонымен қатар, тағы бір жақта кепіл арқылы босатылған сотталушылар бөлек отыр. Атышулы іс бойынша сот тыңдауы үлкен залда өтіп жатыр.

Іс сотқа биыл 9 наурызда түскен еді. Фигуранттар 500 томнан асатын іс материалдарымен жарты жыл бойы танысты. Талғат Ермегияевке айып өткен жылдың маусымында тағылған еді. Сол уақытта ол үй қамауына алынды.

Дерек көзі: tengrinews.kz