Елбасы тұрғын үй құрылысына қаржы бөлуді тапсырды

dd3d388f72c21951f6d5d7cb5f65a91fМемлекет басшысы Нұрсұлтан Назарбаев тұрғын үй құрылысын ынталандыруға 360 млрд. теңге бөлуді тапсырды.

Бұл туралы Ақорданың баспасөз қызметі Твиттердегі парақшасында хабарлады.

Елбасы сондай-ақ жалға берілетін тұрғын үй құрылысына 53 млрд. теңге бағыттауды тапсырды. Мұның бәрі 2016 жылы қосымша 1,5 млн. шаршы метр тұрғын үйді пайдалануға беруге мүмкіндік береді және ІЖӨ өсімін арттыруға үлес қосады.

«Несиеге берілетін тұрғын үйлерді салуға 149 млрд теңге бөлуді тапсырамын, соның ішінде 22 млрд теңге салымшыларға несиеге берілуі тиіс», - деді президент Нұрсұлтан Назарбаев.

Елбасы жеке құрылыс салушыларға қолдау көрсетуге қайтарымды негізде 97 млрд теңге бағыттауды тапсырды. Сондай-ақ, мемлекет басшысы тұрғын үйдің бағасы әлеуметтік бағдарланған болуы тиіс екеніне аса мән берді.

Сонымен қатар мемлекет басшысы тұрғын үй құрылысын ынталандыруға 360 млрд теңге бөлуді, жалға берілетін тұрғын үй құрылысына 53 млрд теңге бағыттауды тапсырды. Мұның бәрі 2016 жылы қосымша 1,5 млн шаршы метр тұрғын үйді пайдалануға беруге мүмкіндік береді және ІЖӨ өсімін арттыруға үлес қосады.

qazaquni.kz