Түркияның әскерилері атып түсірген СУ-24 ұшағында қаза болған ұшқыш ШҚО тумасы болып шықты (фото)

24 қараша күні Түркияның әскерилері атып түсірген СУ-24 ұшағында қаза болған ұшқыш ШҚО тумасы болып шықты. Қазақстандық Олег Пешков ұзақ уақыт Өскеменде тұрып келген.

traur237846819273_2

Фото: yk-news.kz

Бұл туралы YK-news.kz-ке сілтеме жасап NUR.KZ хабарлайды.

Олег Анатольевич Пешков 45 жасында көз жұмды. Ресейлік ұшақтың командирі мен штурманы ұшақ құлар алдында катапультамен шығып үлгерген. Алайда борт командирін парашютпен түскен сәтінде сириялық жауынгерлер оқ жаудырып, өлтірген. Қаза болған ұшқыш Олег Пешковтың Шығыс Қазақстан тумасы екені анықталды. Ол ұзақ уақыт Өскеменде тұрып, жергілікті мектепте білім алған.

Ақпаратты Олег Пешков оқыған мектептің қызметкерлері растап отыр.

«Ол 1985 жылы бітірді. Кейін Свердловскідегі оқу орнына түсіп, Харьков авиациялық мектебін бітірді. Липецкте тұратын. Жақында біз мектепте түлегімізді еске алу митингісін ұйымдастырамыз», — дейді оқу бөлімі бойынша директордың орынбасары Елена Лукина.

wdw48wd46gr4157777

Олег Пешков по окончании летного училища

Олегтің досы Вячеслав Парий журналистерге оның анасы ерте қайтыс болып өгей әкесінің қолында өскенін айтып берді. Пешков Амур облысының Возжаевка аэродромында қызмет еткен.

«Олар сол жерде СУ-24-пен ұшып жүретін. Ұшқыш училищесін бітірген көптеген өскемендіктер бұл ұшақты басқарып келді», — дейді Олегтің досы.

Олегтің жары да – Өскемен тумасы. Облыстық орталықты ер кісі отбасымен бірге 2000 жылдың басында тастап, Липецкке көшіп келген.

wdw48wd46gr4157777-1

Олег Пешков отбасымен

Ұшқыштың артында ұлы мен қызы қалды. Туған ағасы Павел Пешков те – әскери қызметкер. Ол Новосибирскіде тұрады.

«Кешкісін Липецктен ұшамын. Жерлеуі әзірге белгісіз, денесін сириялық аймақтан жеткізу мәселесі шешілмей отыр. Ұлы осы жылы бірінші сыныпқа барды» – дейді Пешковтың ағасы.

wdw48wd46gr4157777-2

Павел мен Олег Пешков

Еске салсақ, Түркия ақпарат құралдары F16 ұшақтары Сириямен шекарада әуе кеңістігін бұзған “СУ-24 ұшағын” атып түсіргенін хабарлаған болатын.

Дереккөз: NUR.KZ