«Азаттық аңсап өткен Алаш арыстары» атты байқау жарияланды

image description Маңғыстау облысының тілдерді дамыту, мұрағаттар мен құжаттама басқармасы қолдауымен   «Ақ жол» ҚДП Маңғыстау облыстық филиалы  жанындағы «Ақ жол-жастар» жастар қанатының ұйымдастыруымен  Елбасының «100 нақты қадам» ұлттық жоспарының негізгі бағыттарының бірі – «Мәңгілік Ел» жалпыұлттық идеясы аясында Алаш қайраткерлерінің шығармашылық мұрасын насихаттау мақсатында «Азаттық аңсап өткен Алаш арыстары» облыстық байқауын  ұйымдастырады. Байқаудың мақсаты: 
  • Мемлекеттік тілдің қолдану аясын кеңейту,
  • Алаш қайраткерлерінің шығармашылық мұрасын насихаттау;
  • Алаш мұрасын оқуға қызығушылықтарын ояту,
  • Қазақстандық рухани бірлікті қуаттап, отансүйгіштік сезімді арттыру.
Байқау 2 кезеңнен  тұрады: - кез келген Алаш қайраткерлерінің прозалық не драмалық шығармаларынан үзінді оқу;ф - мәнерлеп өлең оқу. Байқау шарттары: - шығарманы оқу уақыты 4-5 минуттан аспауы керек; - дайын фонограммаларды пайдалануға тыйым салынады; - талапкерлер мәтінді жатқа білулері қажет. Байқауға 16 -25  жас аралығындағы талапкерлер қатыса алады. Кәсіби өнер саласының мамандары, сондай-ақ мектеп, жоғары оқу орындарының мұғалімдері байқауға жіберілмейді. Байқау сарапшылары үміткерлер өнерін бағалау кезінде олардың:
  • көркем  мәтінді оқу шеберлігіне;
  • дауыс мәнеріне және тіл тазалығына;
  • көркем мәтінді таңдау талғамына;
  • сахнада өзін-өзі ұстауына;
  • сахналық киім сәніне баса назар аударады.
Байқау жеңімпаздары Басқарманың және  «Ақ жол-жастар» жастар қанаты атынан қазылар алқасының шешіміне сәйкес, дипломдармен, алғыс хаттармен және ақшалай сыйлықтармен марапатталады. Қатысушылардың сұраныстары ағымдағы жылдың 2 желтоқсанына дейін Маңғыстау облыстық тілдерді дамыту, мұрағаттар мен құжаттама  басқармасына жолдануы тиіс.

Анықтама:

Ақтау қаласы, 29а- ш/а  “Нұрплаза” б/о, 14- кабинет,

Байланыс телефондары:

Тел/факс: 33-73-55

Электрондық адрес:

akzholmangystau@mail.ru Жауапты: Исаева Алия Жангелдинқызы