RAMAZAN, SENI QIMADYM…

2576
2
Bólisý:

Qubylyp qyrda keshki araı,
Qubyla samal esken aı.
Rabbym saǵan, shúkir dep,
Rahym nuryn keshken aı.

Sert bergendeı kúnge-tún,
Sheksiz-di saǵan qurmetim!
Sájdege ıip mańdaıyn,
Salaýat aıtar úmbetiń.

Káýsardaı kóńil tunyǵy,
Ashylar júrek qulyby…
Ramazan seni qımadym,
On eki aıdyń ulyǵy.

Araılap árbir nur tańy,
Shapaǵy súıip qyrqany.
Ramazan seni qımadym,
On eki aıdyń sultany!

Jatsa da, túnde syıynǵan,
Tursa da, kúnde syıynǵan.
Ryzdyǵyńa shúkir de,
Rabbyńnan buıyrǵan.

Qamyqqan jandar jubanar,
Jabyqqan júrek qýanar.
…Kúmbir de kúmbir meshitter,
Kúbir de kúbir duǵalar.

Tunyǵyndaı tamshynyń,
Qurannyń sózi- bal shyryn.
Jarq eter jasyn dúnıe,
Sabyndaı qysqa, qamshynyń.

Tulpar ýaqyt toqtama.
Ot bolyp janar shoq qana!
Jaratqan bizdi qoldaı gór,
О́zińnen basqa joq, pana!

Áskerhan Aqtaı

 

Áskerhan Aqtaı – aqyn, Mońǵolııanyń Baıan О́lgeı aımaǵynda týǵan. Qazaqstan jáne Mońǵol eli joǵarǵy oqý oryndarynda bilim alǵan. Jaqynda ótken «Ulytaý ulaǵaty – ult tarıhy» atty respýblıkalyq músháıranyń bas júldegeri.  
Bólisý:

Facebook arqyly jazylǵan pikirler

Saıtta 2 pikir jazylǵan

Pikir nemese jaýap jazý

on segiz + 9 =