Қазақ тілінде хаттама толтыртқызбаған полицейлер жазаланбақ

Бөлісу:

 Қостанай қаласындағы  тілге қатысты өршіген дау «Қостанай таңы» газетінде  жазылып, оған «Қазақ үні» ұлттық порталының араласуымен ақыры  шешімі табылды.  Бұл ел көңілін аударған мәселе туралы кеше КТК арнасы  да хабарлады.

Көше тәртібін бұзған Ақтолқын Жәнібековаға хаттаманы мемлекеттік тілде толтыртқызбаған полицей С.Д.Досмаиловтың әрекеті ғаламторда қатты айыпталды.  Тілге қатысты осы мәселені халық та бір ауыздан қолдады, әрине. Бір күннің ішінде qazaquni.kz сайтында сол мақаланы 4500-ден астам адам оқып, фейсбук желісінде 200-ге жуық көшіріп басылып, 80-ге жуық пікір жазылып, қатты  қолдау болған  еді.

Екі апта бұрын бағдаршамның қызыл түсіне өтіп, кінәсін мойындаған Ақтолқын полицейлердің үстінен шағымданған еді. Айтуынша ереже бұзған сәт түскен таспаны көрсету үшін тәртіп сақшылары оны бөлімшеге апарып, ұзақ ұстапты.

Әрі  полицияның қарсы болуына байланысты түсініктемені қазақша жаза алмай қор болған келіншектің арызы бойынша, Ішкі істер департаменті тексеруді бастаған.

“Қызметтік тергеу жүргізілуде. Тексеру қорытындысы бойынша азаматша Жәнібековаға түбегейлі жауап беріледі. Егер де полиция қызметкерінің осы заңды бұзғаны тексеру барысында анықталса ол жазаға тартылады”, – деді Қостанай облыстық ІІД баспасөз қызметінің жетекшісі Әділбек Нұрмахин КТК арнасына берген сұхбатында.

 Ақтолқын Жәнібековаға полицей Досмаилов: «ОРЫСША хаттама ТОЛТЫРСАҢ 10 мың теңге, ҚАЗАҚША ХАТТАМА ТОЛТЫРСАҢ, ЕКІ ЕСЕ АРТЫҚ 20 мың теңге ТӨЛЕЙСІҢ” -ДЕП, ҚАЗАҚ ТІЛІНІЕ – МЕМЛЕКЕТТІК ТІЛГЕ ҚАРСЫ ҮГІТ ЖҮРГІЗГЕН.  БҰЛ ҮШІН МЕМЛЕКЕТТІК ҚЫЗМЕТКЕР СЕРЖАНТ ДОСМАИЛОВТЫ ЖҰМЫСТАН ҚУУ БЫЛАЙ ТҰРСЫН, ҮСТІНЕН ҚЫЛМЫСТЫҚ ІС ҚОЗҒАУ КЕРЕК!»-дейді  qazaquni.kz сайты оқырмандары.

Бұл мемлекеттік тіл туралы маңызды мәселе әділ шешімін тапқанша біздің  қадағалауымызда болады.

qazaquni.kz

Бөлісу:

Facebook арқылы жазылған пікірлер

Сайтта 11 пікір жазылған

  1. Ердос 16 Шілде, 2015 11:24 Жауап

    Жарайсыз Актолкын! кобиси бас шулгып орыс тилинде толтыр десе толтыра берми оз кукыгын айтып тартынбай казак тилинде толтырса осындай саткын шала казактарды орын орынына койып кояр едик. Актолкындай кыз жигиттер оз жеримезде оз тилимизди корлатпайык

  2. Жексенбек 16 Шілде, 2015 15:31 Жауап

    Мемлекеттік тіл осылай қорғалып отыратын болса, «ұлы» тілде шүлдірлегендердің күні қараң болар еді.

  3. Шара 16 Шілде, 2015 16:23 Жауап

    Енді осы істі ақырына дейін жеткізу керек. Мемлекеттік тілді қорлағандары үшін Заң алдында жауап берулері керек.

  4. Ассар 16 Шілде, 2015 17:24 Жауап

    ұлтшылдар оянып келеді. Осындай әрекеттер жиі интернет бетіне жарияланып тв-дан беріліп тұрса орыс тілділер абай жолын оқитын болады.

  5. Руза 16 Шілде, 2015 18:21 Жауап

    Не айтуға болады? Тағы бір тілім деп шырылдаған қазаққа араша түстіңіз, қорған болдыңыз, Қазақ үні! Ләйім осындай жастарымыз көбейе берсін!

  6. Руза 17 Шілде, 2015 06:57 Жауап

    Кешеден бері шығып, қалдым да (өзім кездейсоқ), енді кіре алмай отырмын, ф-кке. Парол сұрайды, ол қайдан есімде болсын, бір-екі жылдан асқан шығар, ф-тк отырғаным. Жаңадан тіркеу өтейін десем, барлық жазғандарым, достарым жоқ боладығой. Соны мүмкін біреу көмектесеме деп жазып отырғаным.. Өйткені анда бір досың код жіберу керек дей ме, бірдеңе жазады..

  7. Төлен Рамазанұлы 17 Шілде, 2015 11:10 Жауап

    Иә. Бұл жағдай туралы «Қазақ үні» газетінде жарияланғаны дұрыс болды, Фейсбуктен оқып біліп, анық-қанығына жеткіміз келіп, осыдан екі-үш күн бұрын біз де департаментке телефон шалған едік. Құжаттама бөлімі қызметшісі болған келеңсіздікке өкініш білдіріп, өзінің ештеңе айта алмайтынын айтты. Тек: «Қызметтік тексеру жүріп жатыр» деп, қысқа қайырды. «Ақпаратты толығырақ білгіңіз келсе, Қостанай облыстық ІІД баспасөз қызметінің жетекшісіне хабарласыңыз» деген. Бірақ, Әділбек Нұрмахинмен сөйлесудің сәті түспеп еді.
    Достар, осы келеңсіздік ІІМ қарайтын барлық мекемелерде қазақ тілінің тағдырын біржақты шешуге жағдай тудырды. Енді оны уысымыздан шығармауымыз керек! Құжатты қазақша толтыруға кедергі жасайтындарды батыл түрде әрқашан әшкерелеп отыруымыз керек!

  8. Бақтығұл Қанатов 18 Шілде, 2015 01:37 Жауап

    Жұмыстан қуу деген ол қылмыскерді жазадан құтқару, сыбайлас болу деген сөз, қылмыскер сыбайластарымекн бірге мемлекеттік тілді қорлағаны үшін, міндетті түрде қылмыстық жазаға тартылуы керек!

Пікір немесе жауап жазу

он алты + он алты =