Бейімбет Майлиннің басы “жарылған” ескерткіші халықтың ашуын туғызды

Жазушы Бейімбет Майлиннің туған жері – Қостанай облысы, Таран ауданында жазушыға орнатылған ескерткіш көпшіліктің ашуын туғызды.

Бейімбет Майлиннің ескерткіші. Фото: kostanaytany.kz

Бейімбет Майлиннің ескерткіші. Фото: kostanaytany.kz

Бұл туралы Қостанай таңы хабарлайды.

Бұрын Майлиннің атында болған Красносельский ауылындағы ескерткіштің жағдайы тым мүшкіл.

Нақтылайтын болсақ, ауыл шетінде жазушының құрметіне тұрғызылған бюсттің басы «жарылып», жан-жағы қараусыз қалған.

Ескерткіштің айналасы сынған шөлмектерге толы, сонымен қатар, жазушының аты-жөні қазақша жазылмапты.

майлин - 01

«Лениннің ескерткішін әлі күнге дейін көкке көтеретіндер Алаш ардақтыларын естен шығармаса дейсің…», – деп жазады басылым.

Еске сала кетейік, жақында Қызылорда облысының тұрғындары Лениннің ескерткішін көрнекті жерге орнату туралы бастама көтерген болатын.

Дереккөз: Nur.kz