Бейбіт Назаров Kunlun Fight тұжырымы бойынша әлем чемпионы болды

Алматыда өткен турнирдің қорытынды кездесуінде Назаров пен Аморим жекпе-жегі тартысты болды. Екі жұдырықтасушы да сәт сайын басымдық көрсетіп отырды. Қазақстандық үшінші раундта рұқсат етілмеген соққы жасап, ескерту алып қалды. Үш раунд біткеннен кейін қазылар алқасы нәтижені ұзақ уақыт бойы талқылады. Қорытындысында төрешілер екі спортшыға қосымша раунд беріп, оның нәтижесінде Назаров жеңіске жетті. Аморим қазылар алқасының бұл шешімімен келіспей, марапаттау сәтін күтпей жатып, октагоннан кетіп қалды.

Турнирдегі өзге де жұптардың қорытындысын мына жерден оқи аласыздар. Еске салайық, Kunlun Fight лигасы Қытайдағы ең танымал турнилердің бірі. Бұл промоушеннің турнирін Қытай, Еуропа және Австралия тұрғындары көреді.