"Евровидение-2014" байқауында жынысы түсініксіз адам ұтты

Австриялық орындаушы Кончита Вурст "Евровидение-2014" халықаралық ән байқауының жеңімпазы атанды, - деп хабарлайды Tengrinews.kz.

Байқауға қатысушы 37 елдің 14-і оған ең жоғары ұпай – 12 балды берді. "РИА Новости"-дің мәліметінше, Вурст 290 балл жинады.

Томас Нойвирт немесе сақал-мұрты бар трансвестит Кончита Вурст 1988 жылы 6 қарашада Австрияның Гмунден қаласында туған. Грац қаласындағы Сән мектебін тәмамдағаннан кейін поп-орындаушылардың Starmania кастинг-думанының үшінші маусымына қатысқан. Сол кезде өзінің гей екенін алғаш рет көпшілікке мойындап, сақалды әйелдің кейпін сахналық образ етіп алады. "Евровидение-2014" байқауында ол Rise Like a Phoenix ("Феникстей қайта тірілемін") атты ән орындады.   Арменияның атынан өнер көрсеткен Арам MP3 174 балмен төртінші орыннан көрінді. Венгриялық Андраш Каллаи-Сондерс (143 балл) бесінші, украиналық Мария Яремчук (113 балл) алтыншы, ресейлік Толмачевалар (89 балл) жетінші орынды иеленді. Копенгаген қаласында өткен "Евровидение-2014”-ті Қазақстанда "Хабар" телеарнасы тікелей трансляциялады. Радиожүргізушілер Қалдыбек Жайсаңбай мен Диана Снегина эфирге комментатор болды. 

tengrinews.kz