Бойдақтыққа салық салу наразылық топты тудыртады

040CD0CD-E8D9-402C-8EA1-FDF02F65939A_w640_r1_sЕлімізде 30-дан асса да үйленбей жүрген азаматтарға бойдақ салығын салу ұсынылды. Демографтар Үкіметке осындай заң еңгізуді қайта көтеріп жатыр.

Салықты көбейту арқылы біз екінші қиындықты туғызамыз. Яғни бұл саяси наразы топтарды күшейтеміз. Әлеуметтік жағдайы төмен болса, өзі үйлене алмай жүрген адамға біз салық салсақ өте үлкен проблема туадыБұл бір жағанына жастарды отбасы құруға итермелесе, екінші бойдақ салығы есебінде әлеуметтік бір сыпыра мәселерді шешуге болады деседі. Мәселен, түскен ақшаны жетімдер үйі мен көпбалалы отбасыларға жәрдемақы есебінде беру сынды деп хабарлайды КТК. Ақыры өз отбасын құрмаса, өзгенің бала-шағасына көмек берсін! Бұл - бойдақ салығын салуды алғашқылардың бірі болып көтерген демограф Мұқаш Тәтімовтың пікірі. Ғалым осылай әлеуеті төмен топтарға жәрдем беруге болады дейді. Стаистикаға сүйенсек, бүгінде үйленбеген жастардың денін жұмысбастылар құрайды екен. Яғни, ақшасы бар, бірақ мансап қуып жүр. "Сен бойдақ екенсің көмектес баласы көп отбасыға, тұрмысы нашар аналарға, тастанды балаларға, ауру адамдарға. Солай деп түсіну керек. Аз да болса да бойдақ салығын салу керек!", - дейді демограф Мақаш Тәтімов. Демографтың айтуынша, бұл сондай-ақ отбасы мәселесіне ерте ден қоюға жастарды талпындыраудың бір әдісі. Тек оған әлеуметтанушылар пікір кері. Қоғамда қажетсіз саяси наразылық топ туындауы мүмкін дейді олар. Әлеуметтанушы Айдос Алтынбек "Салықты көбейту арқылы біз екінші қиындықты туғызамыз. Яғни бұл саяси наразы топтарды күшейтеміз. Әлеуметтік жағдайы төмен болса, өзі үйлене алмай жүрген адамға біз салық салсақ өте үлкен проблема туады", - дейді.

Ресми емес ақпарға қарағанда, бойдақ салығының мөлшері жалақының 6 пайызын құрау мүмкін. Сөйтіп, санға салсақ, орта есеппен елімізде 200 мың бойдақ болса, шамамен 100 мың теңге жуық жалақы алтын, онда қазынаға олардың есебінен айына 1 млд.-тан астам қаржы түспек. Бірақ бойдақтардың өздері бұл бастаманы қолдамайды. Отандық ірі компанияның бірінде PR-менеджер қызметін атқаратын 26 жастағы Байрам Әзизов көңіл қалуындағы қызды әлі кездестіре қоймағандықтан үйленбей жүргенін айтады. Тек сол үшін жігіт 30-дан асса да салық төлемек емес. "Бұл бастаманы сандырақ дер едім. Өйткені үйленбеудің себебі әркімде әртүрлі. Салық салды екен деп мен бірден үйлене де қоймаймын. Қалауымды қашан кездестірем, сол кезде үйленемін. Ал сол үшін салын төлемеймін!", - дейді Алматы тұрғыны Байрам Әзизов.

Әзірге ұсыныс тек ер азаматтарға ғана қатысты көтеріліп отыр. Бірақ қабылданар болса, шара қыздарға да қолдануы ғажап емес. Өйткені мұндай заң Кеңес тұсында да болғаны есімізде. Депутаттар арасында да бұл әңгіме оқтын-оқтын қозғап та жүр. Тіпті үйленуге ниет еткендерге керісінше қазынадан 300 мың теңгеден сыйақы берейік дегендері табылған еді. Қалай боларын енді уақыт көрсетер.

КТК арнасы