TULǴA

1439
0
Bólisý:

1

Sabyr Qasymov Qazaqstan Respýblıkasyna eńbegi sińgen qaıratker. Qalaı eńbegi sińgen der bolsaq, Qazaqstannyń Qazaqstan bolýyna, ıaǵnı táýelsizdigi men bostandyǵy úshin kúresken azamat. Qazir táýelsizdikti birneshe esimmen ǵana baılanystyryp júrsek, Sabyr Qasymov sol tizimniń aldyńǵy qatarynda turýy tıis. Naǵyz azamat eline etken eńbegin buldamaıdy, ózin jarnamalamaıdy. Sol úshin S.Qasymov tasada qalyp qoıdy. Biraq tasada júrse de atqarǵan qyzmetiniń orasan bolǵandyǵy úshin el aldynda keýdesin soǵyp júrgenderdiń kópshiligi Sákeńniń qasynda mysy basylyp qalady. Saıası qýǵyn-súrgin qurbandaryn aqtaýǵa, Jeltoqsan kóterilisin aqtaýǵa erekshe atsalysty. О́zi zańger bolǵan soń joǵaryda atalǵan isterdiń barlyq tetikteri men taǵdyry S.Qasymovtyń qolynda boldy. 1990 jyldan bastap oralmandar máselesin jan-jaqty zerttep, baǵdarlama qabyldaýdy, ony iske asyratyn tetikterdi ázirlep, alǵashqy Konstıtýsııaǵa, zańdarǵa oralmandar múddesin qoldaıtyn saıası-quqyqtyq normalar engizdirgen azamat. Olarǵa «saıası qýǵyndalǵan» degen mártebe berýdi de alǵash bolyp qolǵa aldy. Kezinde Qytaıdan 1 myńǵa jýyq qazaq jastaryn aldyryp oqytýǵa Parlament arqyly bıýdjetten qarajat bóldirgen kezderi bolǵan. Halyqtyń quldyq sanadan aıyǵýy úshin atqarǵan eńbegi de bir kitapqa júk bolarlyqtaı. Alǵash bolyp «Bizdiń memleket otar bolǵan memleket. Sondyqtan otarsyzdandyrý týraly memlekettik baǵdarlamalar men zańdar qabyldaýymyz kerek» dep ún kóterdi. Parlament janynan Otarsyzdandyrýǵa baılanysty zań jobalaryn jasaý jónindegi komıssııa qurǵyzǵan. Patshalyq Reseıden bastap, Keńes Odaǵyndaǵy júzdegen quqyqtyq qujattardyń sol zamannyń óz zańdaryna sáıkes kelmeıtindigin áshkerelep birneshe tomdyq qujattar daıyndaǵan. Osynyń negizinde «Dekolonızasııa», «Qazaqstanda azattyq pen táýelsizdik jolynda mert bolǵan erlerdiń esimin qurmetteý», «Qazaqstandaǵy saıası repressııa qurbandaryn tolyq aqtaý», t.b. zań jobalaryn daıyndaǵan bolatyn. Tize bersek S.Qasymovtyń bastamasymen ómirge kelgen, atqarylǵan ıgi isteri qyrýar. Ǵumyryndaǵy eli úshin atqarǵan isteriniń shet-jaǵasyna ǵana toqtalyp úlgerdik. Bárine toqtalmaı jaqynda atqarǵan isiniń birin atap óter bolsaq, Smaǵul Sádýaqasulynyń máıit kúlin Máskeý qalalyq ákimshiligine shyǵyp elge aldyrǵan, onyń jerlenýin uıymdastyrǵan Sábeń ekenin kópshiligi bile bermeıdi. Sábeń bul joly da ádetine basyp ózi atqarǵan sharýasynyń tasasynda qalýdy jón kórdi.
Sóz sońynda Sabyr Qasymov aǵamyzǵa aıtarymyz!
Alashtan qalǵan aryssyń,
Ultym dep kúnde alystyń.
Alla bir dáıim jar bolyp,
Qýatyn bersin barystyń!

Fazylbek ÁBSATTARULY

Bólisý:

Facebook arqyly jazylǵan pikirler

Pikir nemese jaýap jazý

bes × 5 =