Жезөкшелердің әлегі
2010 ж. 10 қыркүйек
977
0
Алматыда «МАЯК» қонақ үйін заңсыз жезөкшелер ордасына айналдырған қылмыстық топтың үстінен сот процессі басталды. Тергеу қорытындысы бойынша 4 адам айыпталып, 30 жезөкшеден сұрау алынбақ. Прокуратура қылмыстық топ жетекшісі қызойнақ нүктесінің басшысы Ділшат Кузеев деп отыр.
Бұл төрттіктің қамауға алынғанына 5 айға жуықтады. Заңсыз кәсіптерін тасада жүргізіп келген күдіктілер бүгінде көпшіліктің жіті бақылауында. Тергеу қорытындысы бойынша топтың жетекшісі болып қонақ үй басшысы Ділшат Кузиев танылған. Ол қылмыстық кодекстің екі бірдей бабымен айыпталуда. Яғни, заңсыз жезөкшелер ордасын ашқан және тән саудасын қадағалайтын қылмыстық топ құрған.
Күзиевпен бірге жауапқа тартылып жатқан қосшылары Запаров, Қамзақова және Жүніс қызойнақта әкімшілік, күзетші қызметін атқарғандар. Тінту кезінде полицияға қарсылық танытқандар да дәл осылар болатын.
Талай қыздың тағдырын талақ еткендерге қатысты мұндай ірі іс Алматыда бірінше рет қаралып отыр. Бірақ, о баста ашық өтеді деп жоспарланған процесс кенет ел үшін құпияға айналды. Айыпталушылардың қорғаушылары күдіктілердің жеке өмірі мен кәсібі қоғамға жария болмауы керек деген ұстанымда. Бұндай талап-тілекті судья да қолдап отыр.