Ләйла Сұлтанқызы Қазақстанда ҚАЗАҚ тілінде қызмет ала алмағанын айтты

Бөлісу:

ҚАЗАҚ ТІЛІН ҚОЛДАУ – ӨЗГЕ ТІЛГЕ ҚАРСЫ ШЫҒУ ЕМЕС!..

 

Бүгін Forte банкке кірдім. Байқағаным, барлығы орысша сөйлеп жатыр. Банк қызметкерлерін айтпаймын, тұтынушылардың өздері «здравствуйте» деп бастайды. Бәрі қазақ. Қызметкерлердің құлағы үйренген-ау деймін, менің қазақша амандасқаныма қарамай анықтама, т.б. қағаздарды орыс тілінде берді. Сөйтсем, қазақ тілде тек сұраныс бойынша басып береді екен. Естеріңізге сала кетейін, бұл шетелде емес, Қазақстанда орын алған жағдай.

Қазақстанда қазақ тіліндегі бланкты алу үшін арнайы сұраныс керек. Қызық, ия? Қазір банктікі дұрыс емес десем, орыс тіліне қарсы болған сияқты боламын. ҚАЗАҚ ТІЛІН ҚОЛДАУ, ЖАН АШУ – ӨЗГЕ ТІЛГЕ ҚАРСЫ ШЫҒУ ЕМЕС. Сол нәрсені көбіміз шатыстырып жатамыз. Бірақ банктікі дұрыс деп те айта алмайсың ғой. Сонда шешім қандай?

   Мен өз басым ForteBank-ке мынанадай ұсыныс тастар едім. Құжаттарды кейбір басқа банктер сияқты бірден екі тілді қылыңыздар. Қазақ тілін тек сұраныс бойынша беру – бұл дұрыс шешім емес. Немесе орысша сәлемдесіп, орысша сөйлеп тұрған адамдарға орыс тілді нұсқасын, қазақша сөйлеп келген адамға бірден қазақша нұсқасын ұсыныңыз. Меніңше, өте әділ шешім.

Себебі біздің қазақтан да бар ғой – бір жерге барып алып «здравствуйте» деп бастаймыз. Сосын өзіміз «неге барлық жерде тек орыс тілінде» деп айқай шығарамыз.

Қазақ тілінің дамуы банткен басталмайды, өзімізден басталады.

Ләйла Сұлтанқызы,

Фейсбук парақшасынан

Бөлісу:

Facebook арқылы жазылған пікірлер

Сайтта 21 пікір жазылған

  1. Райхан 26 Қараша, 2017 18:56 Жауап

    Кайырлы кеш! Оте дурыс айтасыз, Лайла Султанкызы! Ана сутимен бойымызга синген тилимизге озимиз жанашырлык танытпасак, Назым Хикмет айткандай: » Биз жанбасак лапылдап, аспан калай ашылмак…»
    Озим банктен хабарласканда, мемлекеттик тилде жауап беруин бирнеше рет сураганмын, озимнин мемлекеттик тилде сойлеп турганымды ескертип.

  2. Қолқоюсыз 26 Қараша, 2017 22:25 Жауап

    Қазақ тілінде сөйлеуіміз керек.Здраствуй қою керек.Қазағым бір бірімізді қолдайық!Ана тіліміздің мəртебесі өсін.

    • Қолқоюсыз 1 Желтоқсан, 2017 15:04 Жауап

      Алдыменен елдің алдына шығып алып,ауылбай-көшебай сөзбен сөйлейтін,әдеби тіл дегеннен мүлдем мақұрым қалған жүрналистсымық,әншісымақ т.б.сымақтардан құтылу керек.өздері мәңкілдеп ауыл-үй арасы сөзбен сөйлеп тұрып,ақыл-жөн үйреткісі келеді.күлкілі.

    • Қолқоюсыз 1 Желтоқсан, 2017 15:04 Жауап

      Алдыменен елдің алдына шығып алып,ауылбай-көшебай сөзбен сөйлейтін,әдеби тіл дегеннен мүлдем мақұрым қалған жүрналистсымық,әншісымақ т.б.сымақтардан құтылу керек.өздері мәңкілдеп ауыл-үй арасы сөзбен сөйлеп тұрып,ақыл-жөн үйреткісі келеді.күлкілі.

  3. Болат 34 27 Қараша, 2017 09:00 Жауап

    Модератор! Қазақ тілі мен орыс тілін араластырып беруді қашан қоясыңдар.Мысалы, «Развитие казахского языка не банткен, начнем с себя».Ұяттарың қайда!

  4. Қолқоюсыз 27 Қараша, 2017 12:41 Жауап

    Қазақтардың көбісі ештеңе түсінбей жатыр, олар ойлайды орысша сөйлесек крутой немесе крутая боламыз деп, еш уақытта бола алмайсыңдар , Ресейге шауып келсеңдерде, АҚШ шауып барып келсеңдерде Крутой или Крутая бола алмайсыңдар маңқа қазақтар себебі сендер Африкадада Қазақ дейд сендерді. Ертең Ұлт жоғалады содан соң өзбектердің, ұйғырлардың қолында орысша сөйлеп құл боласыңдар маңқа қазақтар орысша сөйлеп крутой болған малдар.

  5. Қолқоюсыз 27 Қараша, 2017 12:46 Жауап

    Қазақ -не деген М…л Ұлт едің, ру руға бөлініп быт шыт болған Атақ даңқа таласқан, бірін бірінен озса көре алмайтын, жоқ болсаң бере алмайтын ұлт

  6. Болат 34-ке 27 Қараша, 2017 15:24 Жауап

    «Болат 34» – сенің жазғаныңды жұрт түгел өзің түсінбейтін сияқтысың ғой. Шала қазақсың ғой деймін. Қазақша дұрыс жаза біл. Айтпақшы «Болат 34», орысшаң да жетісіп тұрғаны шамалы…

  7. Айназия 28 Қараша, 2017 11:19 Жауап

    Лəйлə өте жақсы келін ғана емес қазақы қаны, намысты келін боп қалыптасқанын көрсетіп отыр.үлкендер мұндайда баяғыда бата берер еді :өркенің өссін ,жаның жамандық көрмесін ,-деп.Халқыңның адал қызы бола бер Лəйлə!

  8. Ш.З.Д. 28 Қараша, 2017 15:00 Жауап

    Бұл орайда ҚАЗАҚ ТІЛІН талап ете алмайтын, орысша сөйлегенді тәуір көретін өзіміз де кінәліміз. Мен талай жерде Қазақ тілінде қызмет көрсетулерін талап еткен кезде орыс ағайындар елпең қағып, кешірім сұрап, қолдарынан келгендерін істеді және ҚАЗАҚ ТІЛІН қазақтардың ешуақытта талап етпегенін алдыма тартты. Сондықтан өз тілімізді өгейсіген өзімізде кінәліміз. Екіншіден, қазіргі таңда мемлекеттік жұмыстарға және басқа да кеңселік жұмыстарға орыс тілін білмейтін қазақтарды жұмысқа алмайды. Ал, орысша білетін, бірақ Мемлекеттік тілді білмейтіндер жұмысқа кедергісіз алынады. Осыны да тексеріп, қолға алу керек. Ал, қазақтар өзге ұлтқа өкпелей бергенше жүрген жерлерінде Мемлекеттік тілге деген талап, сұранысты арттырсын.

  9. Қолқоюсыз 28 Қараша, 2017 20:39 Жауап

    Ләйлә Сұлтанқызы Қазақстанды сіз сияқты патриот адам басқарса бәрі Қазақша сөйлейтің еді.

  10. Айым 28 Қараша, 2017 20:39 Жауап

    Ләйлә Сұлтанқызы Қазақстанды сіз сияқты патриот адам басқарса бәрі Қазақша сөйлейтің еді.

  11. Мансур 19 Желтоқсан, 2017 15:48 Жауап

    Қазақша сөйлеу керек Ләйлә қарындастай намысшыл болыңдар.Өзімізден бастайық қазақшаны.

  12. Алаш аруы 2 Қаңтар, 2018 16:47 Жауап

    Өте дұрыс. «Оян, қазақ!» деген ардақты Алаш арысы М.Дулатов барша қазақ жұртына. Сондықтан қазіргі тәуелсіздіңк дәуірінде, рухани жаңғыру кезеңінде мемлекеттік тілімізді барған жерімізде өзіміз Ләйла апайымыздай талап етсек, «Бір жағадан бас, бір жеңнен қол» шығаратынымыз айдан анық. Алаш азаматтары мен Алаш арулары ұлттық рухымызды бірге көтеріп, ұлттық руханиятымызды сақтай білейік!Осындай бір мақсатқа баршамыз жұмылып, жұмыс жасайық!

Пікір немесе жауап жазу

сегіз − бес =