Ábilıazov halyqtyń zeınetaqy jınaǵyn da jymqyrǵan — Ulttyq bıýro

1070
5
Bólisý:

Muhtar Ábilıazov pen onyń Qazaqstandaǵy sybaılastaryna qatysty sotaldy tergeý aıaqtaldy.

Bul týraly QR Sybaılas jemqorlyqqa qarsy is-qımyl ulttyq bıýrosynyń baspasóz qyzmeti habarlady.

«Aldyn ala tergeý jan-jaqty, tolyq ári ádil ótti, dáleldeýge jatatyn barlyq jaǵdaı anyqtaldy», — delingen habarlamada.

Sonymen qatar, jınalǵan dálelderdiń negizinde BTA banktiń burynǵy top-menedjeri Muhtar Ábilıazovtiń qylmystyq áreketine baǵa berilgeni jáne onyń qazirgi ýaqytta Qazaqstan aýmaǵynda emes ekeni ári shaqyrtýdan jaltarǵany aıtylady. Sonymen qatar, J.Jarymbetov (bank basqarma tóraǵasynyń birinshi orynbasary — Kredıt komıtetiniń tóraǵasy) pen K.Sadyqovtyń kredıtteý jónindegi dırektor), S.Mámeshtiń (bank basqarma tóraǵasy) áreketine de baǵa berilgen.

Ábilıazovqa qylmystyq top quryp, oǵan basshylyq etti, BTA banktiń qarajatyn jymqyrdy jáne jekeshelendirdi, bank qarajatyn zańsyz qoldandy jáne qyzmettik ókilin asyra paıdalandy degen kúdik kelip otyr. Jalpy shyǵyn somasy — 7,5 mıllıard AQSh dollary.

«Tergeýden jymqyrylǵan qarajattyń halyqtyń zeınetaqy jınaǵy ekeni, Qazaqstan azamattarynyń jeke jınaǵy ekeni jáne sheteldik qarjy ınstıtýttarynyń qaryzy ekeni naqtyly anyqtaldy», — delingen Ulttyq bıýronyń habarlamasynda. Sonymen birge, habarlamada BTA bankiniń qaryzyn óteý boıynsha mindetti memlekettiń óz moınyna alǵany aıtylǵan.

Eske sala keteıik, 2017 jyldyń 2-aqpanynda QR Sybaılas jemqorlyqqa qarsy is-qımyl ulttyq bıýrosy jaýap alý úshin Muhtar Ábilıazovti Astanaǵa shaqyrǵan bolatyn.

«QR Sybaılas jemqorlyqqa qarsy is-qımyl ulttyq bıýrosy «BTA bank» AQ burynǵy top-menedjmenti M.Q.Áblıazovqa, J.D.Jarymbetovke jáne ózgelerge qatysty qylmystyq istiń sotaldy tergeýin jalǵastyryp jatyr. Tergeý barysynda QR Sybaılas jemqorlyqqa qarsy qyzmeti Ábilıazov pen onyń sybaılastarynyń zańsyz áreketteriniń qosymsha dálelderin tapty. Bankten qarajatty jymqyrýdyń jańa nusqalary ashyldy. Anyqtalǵan derekter Ábilıazovtiń qylmystyq uıym quryp, oǵan basshylyq etken degen qosymsha kúdik kelip otyr. Onyń ishinde birqatar uıymdasqan qylmystyq top kiredi, top Qazaqstan terrıtorııasynda da, shetelde de áreket etken», — delingen edi vedomstvo habarlamasynda.

Bólisý:

Facebook arqyly jazylǵan pikirler

Saıtta 5 pikir jazylǵan

  1. shal 28 Aqpan, 2017 00:37 Jaýap

    jerdın astynda tekserıp korınder altyn kýmıs kospalarynda ýrlap ketpedımeken ?bale boldy goı ablıazov degen tıýrmadan shygyp edı eldın keıbır týlgalary ýıkydan kaldy.

  2. Barys 28 Aqpan, 2017 00:56 Jaýap

    Qazirgi ury bılikke Ábilıazov sııaqty shyndyqty batyryp aıtatyn azamattar unamaıdy, sondyqtan eldi basqaryp otyrǵan darynsyzdar, Ábilıazov sııaqty azamattarǵa kúıi jaǵýda. Zańdyda ózderine laıyqty etip jazyp aldy ǵoı. Naǵyz qylmyskerler, qazirgi bılik basyndaǵylar. Ýaqyt óter, bıliktegi darynsyz zınetkerler keter, sol ýaqytta istegen qylmystary, bári de ashylady.

  3. Qolqoıýsyz 2 Naýryz, 2017 20:10 Jaýap

    Áblıazovtyń basy bárinikinen myqty isteıtin bolǵan soń qatty qorqady odan. Qazaqta tamasha maqal bar:»Qoryqqan buryn judyryqtaıdy» degen! :kulki1:

Qazaq úshin pikir ústeý Jaýapty boldyrmaý

on alty − eki =