ЖЫЛ АДАМЫ – 2015

10592
8
Бөлісу:

«ҚАЗАҚ ҮНІ» ГАЗЕТІ МЕН «ҚАЗАҚ ҮНІ» ПОРТАЛЫНЫҢ ЖЫЛ АДАМДАРЫ

«Қазақ үні» газеті мен «qazaquni.kz» cайтының 2015 жылғы Жыл адамдары сараланды. Сарапшылар алқасы биылғы 22-қараша мен 27-желтоқсан аралығындағы қоңырау шалу, смс, электронды пошта арқылы және «qazaquni.kz» cайтындағы мыңдаған оқырманның ұсыныс-пікірлеріне сүйене отырып, бірнеше номинация бойынша Жыл адамдарын анықтады.
«Қазақ үні» газеті мен «qazaquni.kz» cайты барша халықты күнтізбелік жаңа жылдарымен құттықтай отырып, келелі табыс тілейді! Сонымен,
«Қазақ үні» газетінің 2015 жылғы Жыл адамдарымен таныс болыңыздар!

Жыл саясаткері – Нұрсұлтан Назарбаев. Қазақстан Респуб­ликасы Президенті дүниежүзілік дағда­рыс кезеңінде одан шығудың жолдарын көрсеткен ішкі экономикалық сала­дағы бағдарла­малар мен реформаларды ұсынып, сыртқы саясатта бейбітшілік бағытын берік ұстанып, терроризмге қарсы барлық елдердің бірігіп күресу керектігін ұсынып, әскери қақтығыстарды келіссөздер арқылы шешуді қолдап келеді.

yekonomika-kazaxstana-v-roste

Жыл министрі – Иманғали Тасмағамбетов. Қорғаныс ми­нистр­лігіне басшы­лыққа келгелі аталмыш салада темірдей тәртіп орнатып, жан-жақты әскери да­йындыққа бірінші кезектегі басымдық берді. Түрлі ба­ғыттағы әскери бөлімшелер жаңа заманауи техникалармен жаб­дықталып, қорғаныс қабылетіміз нығая түсті.

Imangali-Tas

Жыл сенаторы – Қуаныш Айтаханов. Парламенттің жо­ғарғы палатасын­дағы отырыстарда халықтың әлеуметтік жағдайларына, жер­ді пайдалану мен бюджеттік қаржыны тиімді игеруге қатысты өткір ойларын білдіріп, депутаттық сауалдар жолдап, белсенділік танытты.

айтаханов

Жыл депутаты Нұртай Сабильянов. Мәжіліс депутат­та­рының ішінде нағыз ұлт жанашыры, халық перзенті ретінде аталатын есім – Нұртай Сабильянов. Ұлттық мүдде қорғаушысы, тіл жанашыры, руханият жақтаушысы Нұртай Салихұлы экономика, саяси, әлеуметтік мәселелерде де жиі үн қатып, министрлерге депутаттық сауал жолдап, оларды тығырыққа тіреп жүр.

db3efea25b1d5faf15bed03460b47458-big

Жыл әкімі – Бердібек Сапарбаев. Қай қызметте болмасын тынымсыз еңбек ететін Бердібек Сапарбаев сан салалы Ақтөбе аймағына әкім болып барған соң да сол бағытынан тайған жоқ. Аз уақытта аймақтың ауылдарына дейін аралап шығып, орын алған кемшіліктерді шұғыл түзетуге кірісті.

Сапарбаев

Жыл қайраткері – Азат Перуашев. Мәжіліс депутаты ре­тін­де ұтымды ұсыныста­рымен көрініп, өзі басқарған «Ақ жол» пар­тия­сының бағдар­ламасына сәйкес Алаш арыстарының есімдерін қайта жаңғырту жолында айрықша қажырлылық танытып келеді.

6095e5b9c472022c348c86b2e9ac1887-articlemain

Жыл ғалымы – Сұлтан-Хан Аққұлы. Л.Гумилев атындағы Еуразия Ұлттық уни­верситеті жанындағы «Алаш» институтының директоры Сұлтан-Хан Аққұлы. Алаш тақы­рыбын зерттеп жүрген ғалым ұлт тұлғасы Әлихан Бөкей­хан мұралары мен Алашорда мемлекетінің құрылуына байланысты бірнеше іргелі ғылыми еңбектердің авторы. «Әлихан Бөкейхан. Шы­ғармаларының 9 томдық жинағы» жұмысы үшін Ш.Ш. Уәлиханов атындағы сыйлықтың иегері атанды.

sultanqan1

Жыл ректоры – Ғалымқайыр Мұтанов. Әл-Фараби атындағы Қазақ Ұлттық уни­верси­­тетінің ректоры Ғалымқайыр Мұ­танов университет басшы­лығы қыз­ме­тінде жүріп білім беру саласында тәжірибе жүргізу мен білімгерлермен алмасуда және заманауи халықаралық білім бағдарламаларын жүзеге асыруда әлемнің ең ірі 400-ден астам халықаралық жоғарғы оқу орындарымен ынтымақтастық орнатуға атсалысты.

мутанов

Жыл кәсіпкері – Анарбек Орман. «Ақ жол» ҚДП Оң­түстік Қазақстан облысы бойынша филиа­лының төрағасы әрі белгілі кәсіпкер, Жер­гілікті бизнес-қауым­дастықтың көшбасшы­ларының бірі.

анарбек орман

Жыл жазушысы – Тынымбай Нұрмағамбетов. Биыл жетпіс жасқа тол­ған көрнекті қа­лам­гер Қазақ ханды­ғының 550 жылдығына арнал­ған «Алаш та­рихының ақиқаты» атты әдеби байқауда «Какаду» әңгімесі үшін бас жүлдені иеленді.

Nurmagambetov-Tynymbay-2wudw62eda1rzj8w3ndoga

Жыл ақыны – Исраил Сапарбай. «Махаббат шайыры» атанған ақын сазгер, драматург, аудармашы, Тәуелсіз «Тарлан» сыйлығының лауреаты Исраил Сапарбай­дың биылғы жылы бағындырған биіктері көп болды. Ақынның «Бір тамшы көздің жасындай», «Өкінбеймін, шақырмаймын, жыламан…» және «Өзімді саған сыйладым» атты кітаптары жарық көрді.

исраил

Жыл драматургі – Серік Асылбекұлы. Жазушылығы, ға­лым­­дығымен қатар, соңғы жылдары сах­налық туындыларымен көпшіліктің ыс­тық ықыласына бөленіп жүрген драма­тургтердің бірі – Серік Асылбекұлы. Алматыдағы М.Әуезов, Ғ.Мүсiрепов атындағы академиялық драма театрларының сахналарында қойылып жүрген «Желтоқсан желi», «Империядағы кеш», «Рәбиғаның махаббаты», «Күзгi романс» пьесалары сәтті сахналанды.

серик асылбек

Жыл режиссері – Досхан Жолжақсынов. «Құнанбай» фильмі­нің режиссері әрі бас кейіпкер Құнанбайды ойнаған Қазақстан Республикасының Халық артисі, мемле­кеттік сыйлықтың лауреаты.

досхан

Жыл актері – Бекжан Тұрыс. ҚР Еңбек сіңірген қай­раткері, мемлекеттік «Да­рын» сыйлығының лауреаты. 6-желтоқсан күні 50 жасқа толған театр­дың талантты артисі Бекжан Тұрыс ұлт дегенде ұлағатты сөз айтуға ұмтылатын сергек ойлы азаматтардың бірі ретінде «Ұлым, саған айтам» атты мерейтойлық моноспектакль өткізіп, баласы Мағжан екеуі мәртебелі көрерменіне мағыналы кеш сыйлады.

бекжан турыс

Жыл сазгері – Тұрсынғазы Рахым. Саңлақ сазгер, әйгілі әнші көпшілікке танымал «Сәби болғым келеді», «Қазағым-ай», «Ғашықпын», «Дәриға, домбырамды берші маған», «Мен сені сағынғанда» т.б. әңдердің авторы. Тұрсынғазы Рахым «Ақ жол» партиясы мен Қазақстан тарихшылары қауымдастығы бірлесіп тағайындаған «Қазақ хандығына 550 жыл» медалімен марапатталды.

tursyngazy-2

Жыл дәрігері – Алмат Қодасбаев. Алматы қалалық кар­дио­логиялық орталы­ғының директоры, жоғары са­натты кардио-хирург, медицина ғылым­дарының кандидаты. Қазақстанда жиі кездесетін жүрек, қан тамыр ауруының алдын алып, дер кезінде ем қолданып, халыққа жоғары сапалы дәрігерлік қызмет көрсетіп келеді.

KODASBAEV-mini

Жыл журналисі – Берік Бейсенұлы. Журналистиканың «еңбекторы­сы» атан­ған Респуб­ли­калық «Айқын» басылымы бас редакторының бірінші орынбасары. Белгілі журналистің жақын арада жарық көрген «Қалам мен ғалам» кітабы қазіргі қоғамның өткір мәселелерін қозғағандықтан талғамы биік оқырманның көңілінен шыға білді.

berik-beisenuly

Жыл спортшысы – Алмас Өтешов пен Қанат Ислам. Алмас Өтешов биыл Хьюстонда өткен ауыр атлетикадан Әлем чемпионатының күміс жүлдегері атанды. Бұл атаққа ол осымен екінші рет ие болып отыр. Кәсіпқой бокста ел намысын қорғап жүрген қазақстандық боксшылардың бірі Қанат Ислам 2012 жылы кәсіпқой боксқа бет бұрғалы 3 жыл көлемінде 19 кездесу өткізіп, оның барлығында жеңіске жетті. Он алты кездесуде отандасымыз қарсыластарын нокаутқа жіберіп, мерзімінен бұрын аяқтаған.

Утешев

АЛМАС ӨТЕШОВ

канат ислам

ҚАНАТ ИСЛАМ

Жыл суретшісі – Мақсат Бексұлтан. Қазақстан Суретші­лер одағының мүшесі Мақсат Бексұл­тан Астанадағы «Тәуел­сіздік» сарайында өзінің үлкен көрмесін өткізді. Көптеген туын­дыларының ішінде мамандар қыл­қалам шеберінің 11 жыл бойы салған «Аңырақай шайқасы» картинасын қазақ бейнелеу өнерінің тарихында ерекше маңызға ие деп бағалады.

максат бексултан

Жыл әншісі – Қайрат нұртас пен Димаш Құдайбергенов. Қайрат Нұртас – Қазақстанның эстрадалық әншісі. Бүгінгі таңдағы қазақ тілінде ән айтатын әншілердің ішіндегі ең танымалы. Тыңдармандар мен әріптестерінің арасында көптеген табынушылары бар. Жуырда «Астана-Арена» стадионында Қайрат Нұртастың сахнадағы 10 жылдығына арналған «Мен ғашықпын…» атты шоу-концерті өтті.

«Славянский базар-2015» эстрада әндері орындаушы­ла­рының XXIV ха­лықаралық кон­курсында Қазақ­станның намысын қорғаған Димаш Құ­дайбергенов қатысушылар арасында жеңімпаз атанды.

кайрат нуртас

ҚАЙРАТ НҰРТАС

димаш

ДИМАШ ҚҰДАЙБЕРГЕНОВ

Жыл диаспора үздігі – Кәріс диаспорасы. Көпұлтты Қазақстан халықтарының бұл өкілі биылғы жылы өткен атаулы мерекелерде өзінің белсенділігімен көріне білді. Шымкент қаласында қазақтың ұлттық тағамын дайындауда бірінші орынға ие болды.

карис диаспорасы

Жыл датасы – Қазақ хандығының 550 жылдығының жоғары дәрежеде аталып өтілуі.

қазақ хандығы

Жыл жетістігі – Қазақстанның Дүниежүзілік Сауда ұйымына кіруі.

DSU1

Жыл шешімі – Париждегі ЮНЕСКО Атқарушы кеңесінің 196-шы сессиясында 2016-2017 жылдары Ұйымның қатысуымен қоғам және мемлекет қайраткері Әлихан Бөкейханның туғанына 150 жылдығын ЮНЕСКО көлемінде атап өту туралы шешімнің шыққандығы.

 

букейханов

 

 

 

 

 

 

Бөлісу:

Facebook арқылы жазылған пікірлер

Сайтта 8 пікір жазылған

  1. Ссссссссс!!! 29 Желтоқсан, 2015 18:09 Жауап

    ..яки Ахмет Байтұрсынұлын, Абайды, Сәкенді, Шоқанды немесе НӘН құрметтемесек мемлекет емеспіз. Тек нақты біреуін ғана немесе бірнешеуін құрметтейміз бе.Сірә бірнешеуін шығар.Мемлекет болудың сыры да міне ашылды: рахмет саған туған ел және 2015 жыл. :jap:

  2. Cенбек Сансызбайұлы 30 Желтоқсан, 2015 10:15 Жауап

    Барлық атаулар бойынша жыл атаулары өте керемет сараланған:
    Жыл кәсіпкері атауы бойынша Анарбек Оңғарұлының сараланғаны мені өте қуантты. Халықты сапалы ауыз сумен қамтамасыз етіп отырған барлық облыс орталықтары Алматы және Астана қалаларына үлгі боларлықтай дәрежеге ОҚО орталығын сумен қамтамасыз ететін ЖШ серіктестікті көтерді. Құтты да қайырлы болғай Анарбек аға!

  3. Гульнур 1 Қаңтар, 2016 01:17 Жауап

    Алга казактын ер азаматтары, еңбектерінің жемісін кориниздер! Жасасын мангиликке Улы казак даласы!

  4. Әнипа Асқарова 3 Қаңтар, 2016 09:16 Жауап

    Жыл мәресінің шоқтығынан табыла білген ел азаматтарын құттықтаймын! Жақсы атану оңай емес қой. Бірдің бабын табу – бір өнер, мыңның бабын табу – мың өнер, ЖАҚСЫ болу – шын өнер!

  5. Ә.Ержантегі 4 Қаңтар, 2016 12:57 Жауап

    Барлығы дұрыс сараланған келісемін. Тек «Жыл әншісі -Қайрат Нұртас» дегенімен келіспес едім.

  6. Мұрат 10 Қаңтар, 2016 20:04 Жауап

    Жыл ректорына келіспес едім, Ол кісі басқарып отырған университетте 2015 жыл қанша рет жемқорлық фактілері болды. Оқытушыларға жалақы 3 ай бойы кешіктіріліп берілді. Депутаттар да бұл мәселені айтты.

  7. Шахислам 10 Қаңтар, 2016 20:54 Жауап

    Барлығы да орынды. Бірінші рет шынайылықты байқап отырмын. Өз істеріне адал жандардың еңбектері еленді деген осы шығар!

Пікір немесе жауап жазу

он бес − он үш =